#0081-1136May11-बुंगद्य: जात्रा Bungadya Jatra (Festival)

बुंगद्य: या:न्यायेकीगु न्याथाय्;
१) पूच्वं साला: गाबहालय थ्यंका: #गाबहा:या: ।
थ्व या: यल देयया पश्चिमी भेगया जनसमुदाय पिसं हनी नापं यें देय यापिसं नं हनी धाई ।
२) गाबहालं साला नुगलय अर्थात लुँहिती थयंका #नुगःया ।
थ्व या: यल देयया पूर्वी भेगया जनसमुदाय पिसं हनी नापं ख्वप देय यापिसं नं हनी
३) नुगः त्वालन लगंख्यले थ्यंका #लगंया:, थन नैक्यालं लुइ । थ्व या: यलया अधीकतम जनसमुदाय नं हनी
४) लगंख्यले इति त्वालय चीहाकलं मिसापिसं (सुथय) जक साला या: न्यायेकी, थ्व्यत #नानीचाया: अर्थात #याक:_मिसा_भुज्या: धाई । थुगु या: एकल मिसापिसं हनेगु याई ।
५) इति त्वाल जावलाख्यले (जाह्वलाख्यलय) थ्यंका प्यन्हु लिपा #जावलाया: अर्थात #भ्वत_जात्रा । थ्व जात्रा न्हापायागु जात्रा त्व:फिकुपिं व नेपालमंडल क्षेत्रयापिसं हनेगु याई ।

थपिं न्याथाय झिन्छ (११) दँ या जुल, झिंनि (१२) दँय छक्व: बुंग निसें साला हैवले पूच्व थ्यंका या नियम थ्वहे कथं जूसां पूच्व तक थ्यंकेत थायेथासय (निश्चित मन्दलय) दिका हयेमा:गु नियम दु ।

थुके गनं द्वन्गु द:सा भिंका वीत इनाप याना ।