#0080-1140Oct15- 5Q of Save Newa Valley "सेभ नेवा: भ्यालि" या न्यागु न्ह्यस: (५ प्रश्न) ज्याझ्व:स जि

नेपाल संवत ११४० अक्तोवर ११ आइतवा: खुन्हु "सेभ नेवा: भ्यालि" या न्यागु न्ह्यस: (५ प्रश्न) ज्याझ्व:स जि व मय्जु प्रतिसरा सायमिजु ... भासा = नेपालभासा / नेवा: भासा (Medium Language = Nepalbhasa or NEWAR Language)



My contact detail;

SURESH Pradhan, YALA

====================

SURESH.TAYEJU@gmail.com

https://www.facebook.com/SureshPradha...

https://twitter.com/tayeju



नेवा: अवस्था बारे, वयेकपिनि न्यागू न्ह्यस: व जिगु लिस:

न्ह्यस: / लिस:



थौं कन्हेया परिवेश =

Work ethics, Work culture

पुस्तान्तरन, उत्तराधिकारि निर्माण, 

स्वदेशी बस्तु/सेवा उत्पादन नापं उपभोग

स्थानिय स्रोत साधनया अधिकतम उपयोग याना व्यवसाय संचालन, प्रवर्धन, 

बैदेशीक रोजगार व जागिरे मनस्थितिं मखु स्वरोजगार व रोजगार प्रवर्धन निंतिं शिक्षा निति निसें मा:कथंया निति नियम परिमार्जनया निंतिं ज्या न्ह्याके फयेमाल

अध्ययन अनुसन्धानया निंतिं लगानि यायेगु सोच हयेमाल

समस्या दै उकिइ नापं समाधान नं दैगु खँय बिश्वास यायेमाल व वहे कथं न्ह्यज्याये माल ...



१, थौं कन्हय नेवा:त पाखें जुयाच्वंगु गतिबिधियात छिं गुकथं कयादिया ?

थौं कन्हे कोरोना महामारिया ईलय नेवा:त नापनापं नेपा:मिपिसं आर्थिक विकासया ज्याय कुत: मयासे च्वनाच्वंगु खनेदु गुकिया लिच्व: तस्सकं बांमलाक्क खनेदै तिनि । थुकिया मू जिम्मेवारि नेपा: सरकारं मकासें गाइ हे मखुनि ।

२, नेवा:तयेगु पहिचान परम्परा व सभ्यतायात संस्थागत यायेत सेभ नेवा: भ्यालीया भूमिका गथे जुइमा: ?

नेवा: तयेगु थपूया निंतिं सेभ नेवा: भ्यालिं यानावयाच्वंगु ज्या च्वछायेबह: जु, अथेसां नेवा: सर्वांङ्गिन विकासया निंतिं यक्कों ज्या यायेमानिगु दनि । आ: तक यक्कों नेवा: संघ संस्था तयेसं परम्परा/सभ्यता/संस्कार आदि थपू यायेमा:गु खँय जक ब: बियाच्वंगु खनेदु । थुलि जक यानां मगात, झीगु थ:थ:गु लजगा: नाप नापं न्हून्हूगु लजगालय नं झीगु पहुँच गाका वनेमा:गु आवश्यकता वोध यायेमाल । आर्थिक अवस्था कम्जोर जुया हे झीसं थ:थ:गु सम्पतित मिया वयाच्वंगु खंकेफै ।

अथे जुया बिस्कं बिस्कं संघ संस्थां छ्गू/निगू विषयस विशेसता दयेका वनेगु नाप नापं आर्थिक उन्नतिया वारे गति कायेमा:गु खनेदु, जिं स्वये थजा:गु संस्था दयेके हथाय जुलला थें च्वं ।

३, सरकारं नेवा: तयेगु संस्कृति प्रति यानाच्वंगु दमनयात प्रतिकार यायेमाल धासा गुकथं यायेमाली ?

थुकिया दक्कले अ:पुगु अभियान धयागु सरकारयात सांस्कृतिक बहिस्कार यायेगु हे ख: । तर थथे झीसं थी थी हुनिं याये फयाच्वंगु मदु । मेगु बिकल्प धयागु निजि निसें सार्वजनिक गुथि यात समयानुकुल श्रोतया व्यवस्थापन यायेत दवावमूलक अभियान/आन्दोलन न्ह्याकेगु हे ख: ।

४, नेवा:त छधि छप्पं जुइ मफूगु हुनिं छु ?

थुकिया मू हुनि धयागु आर्थिकस्तर व सैद्धान्तिक विचारय भिन्न्ता हे ख: । नेवा: एजेण्डा ज्वना म्वाये फु धयागु आत्मविश्वास यक्कों म्ह्व जक खनेदु । अले दिर्घकालीन सोच झी नेवा: तयेके यक्कों म्ह्व, तत्कालिन समस्या ज्यनकि गा:पिं अर्थात पटके समाधानया सोच तया सकतां कथंया अभियान न्ह्याकिइगु जूगुलिं उपलव्धि दैमखु वा खनेदैमखु । अथे धका झीके एकता मदुगु नं मखु "थ:याके दुगु हिरा नं खा: बाकू" थें खंकाच्वंगु जक खत । जिं स्वये मेमेगु जात जातिइ नं अथे छपाँय छधी हे जुयाच्वंगु मखना, अन्तर्विरोध खने हे दै ... । तर समाज स्वार्थया विषयस इपिं ईलय न्ह्यचिले फुगु खत ।

५, नेवा:त राजनैतिक रुप न्ह्या:वने माल धा:सा उकिया स्वरूप गथे जुइमा: ?

विद्यमान संविधानया संरचनां चिइधंगु वा न्हूगु राजनैतिक पार्टी यक्को म्वाय्फैगु अवधारणा बियात:गु मदु, समावेसिता खँग्वलय जकहे लिकुंकात:गु दु । थ:गु परिवेश व ज:ख:या परिवेशया वारे अध्ययन यायेमा; धयागु भावना झीके म्ह्वजक खनेदु, अथेजुया हे झीगु थ:गु हे थासय कर्पिसं नेतृत्व याकाच्वना । थुकिइ निगू बिकल्प खंकेफै, 

क) तथाकथित मुलधारया राजनितिइ हे दुहांवना उकियात नेतृत्व यायेफैगु क्षमता विकास यानावनेगु व उकिया आधिपत्यता थ:पिनिगु पक्षय हयेगु

ख) स्थानिय व क्षेत्रिय पार्टिया निर्माण याना थ:गु लागाय थ:पिसं हे राज्य संचालन यायेगु वातावरण निर्माण यानावनेगु अले थवंथवय विश्वास अप्वयेकावनेगु । गुकिया निंतिं स्रोत परिचालनया हाथ्या नापनापं मेमेगु कथंया पंग: राज्य सत्ताय च्वंपिसं याना है व याइ, गुकियात निस्तेज यायेत झी थ:पिं आर्थिक रुपं उत्कृस्त जुयावने फयेकेमाल व थुकिया बलं अमिगु बलयात निस्तेज यायएगु क्षम्ता दयेकेगु ।



https://youtu.be/fYIimxcTeaY