#0069-1136Apr04-नेवा: राजनीति दुनेया वहस

# नेपा: राष्ट्रीय पार्टी परित्याग लिपाया सकारात्मक व नकारात्मक टिप्पणी दुनेया मूल्यांकनया पारीस्थिति । नेवा: समाजय् राजनैतिक चिन्तन या छगु न्हुगु तरंगया उभार ???
पार्टी परित्यागया यक्को हुनि द:सां, मू हुनि धयागु ;
१) संविधान सभा पाखें नेपा:या संविधान जारी जुई धुंका यक्कों पक्षं थ:थ:गु सहमति व असहमति व्यक्त जुया च्वंगु हे ख़त । थुकी नेपा: पार्टी दुनेया नं बहस जूगु व जुईमा:गु आवश्यक हे जुल । पार्टिया अवधारणा नापं ज्व:लाक संविधान मव:सां, ऐतिहासिक रूपं संविधान सभा मार्फत संविधान व:गुयात उपलव्धि मूलक हे मान्यता बीगु सहमति जुगु ख: ।
२) जारी जूगु संविधानया प्रावधान कथं फुककं राजनैतिक पार्टी/दल त समानुपातिक व सहभागी मूलक जुई मा:गु खत ।
३) पार्टिया नायो जुं  राजीनामा ब्यूगु, राजीनामा स्वीकृत जूगु नापं केंद्रीय समितिया बैठक्या प्रक्रिया व गणपूरक संख्याया अपब्याख्या यानां नायो ल्ययेगु ज्याय असहमत व आपत्ति दुगु जुल ।
४) एकल जातीय पार्टिया भबिष्यया करीव अंत्य जुइधुंका पार्टी सहभागिमूलक व समानुपातिक अवधारणाय वनेमा:गु वहस न्ह्याकेमा:गु यथार्थ यात त्व:ता: संविधानया विपरीत एकल जातीय पार्टी न्ह्याकावं वनेगु अडानय असहमति व आपत्ति तयागु खत ।
५) पार्टी थ:गुहे भविष्य अन्यौलया परिवेषय तक्यने धुंका नेवा: हकहितया ज्याये केंद्रित जुइ मफैगु निश्चित धयागु खय मतभेद जुल ।
६) पार्टीयात संरचनागत रूपं व्यवस्थित कथं न्ह्याकेगु पक्षय दतसा असंवैधानिक तर्क फ्याना बहस न्ह्याकीपिं मेगु पक्ष जुल । गुकी गम्भीर आपत्ति व मतभेद जुल ।
७) थ:पिसं मयानागु व मस्यनकागु ज्याया परिणामया नं भागीदार जुयाच्वनेगु खंय असहमत जुयागु जुल ।
८) थथे नेपा: पार्टिया संगठनात्मक संरचना पाखें बाया वयागु जूसां नेवा: राजनैतिक अधिकार प्राप्तियां निंतिं न्ह्यावले न्ह्याग्गु थासं नं ग्वाहालि यायेत तत्पर जुया च्वने, थ्व प्रतिबद्धता खत ।
९) थुकथं या योगदानया निंतिं समय परिवेषया माग कथं मा:कथं मा:थासं ग्वाहालि यायेगु कुत: यानावं चवानेगु जुई ।